Америкийн Сент-Луис дахь урлагийн дунд сургуульд 10 дугаар сарын 24-ний өглөө буун дуу гарсан талаар NBC, Ройтерс зэрэг агентлагууд хууль сахиулагчдаас авсан эх сурвалжтайгаар мэдээлжээ.
Синтетик намаас гаргасан саналуудын дунд сарын орлогыг 13700 долларт хүргэх, сайд нарын танхимын бүрэлдэхүүнд интернет, IT-ийн хамтарсан салбарыг байгуулах зэрэг санал багтдаг аж.
Германд эрчим хүчний салбар болон Украины хямралын тал дээр авч хэрэгжүүлж буй засгийн газрын бодлогыг эсэргүүцсэн 7000 гаруй хүн эсэргүүцлийн жагсаалд нэгдсэн талаар DPA агентлаг хууль сахиулагчдаас авсан эх сурвалжтайгаар мэдээлжээ.
ОХУ-ын Батлан хамгаалахын сайд Сергей Шойгу НАТО-ын орнуудын батлан хамгаалахын сайд нартай утсаар ярих үеэрээ "Украинд "бохир бөмбөг" байгаа" хэмээсэн. Үүнээс өмнө 10 дугаар сарын 23-ны өдөр Оросын РИА Новости агентлаг дамжуулсан мэдээнд "Украины нутаг дэвсгэр дээр "бохир бөмбөг" бэлдэж байна, үүнийг ашиглан өдөөн хатгалга хийж, улмаар энэ бүхний бурууг Орос руу чихэх гэж байгаа" хэмээн онцолсон байв.
Сунак 2020 оны хоёрдугаар сард Сангийн сайд болж, улмаар цар тахлын нөхцөлд, үргэлжилсэн олон хөл хорионы нөхцөлд Их Британийн эдийн засгийг удирдах шаардлагатай болж байв. Эхний хөл хорионы үед дөнгөж 40 нас хүрсэн түүнийг ард иргэд найдвартай хүн гэж хүлээн авч байлаа. 2020 оны хавар тэрбээр цар тахлыг даван туулахын тулд шаардлагатай бүхнийг хийнэ хэмээн амлаж, иргэд, бизнесд дэмжлэг үзүүлэх зорилгоор 350 тэрбум фунт зарцуулна гэж мэдэгдсэнээр түүний рейтинг эрс өссөн юм.
Цэрэгт татагдах ёстой залуусыг камерын тусламжтайгаар мөрдөхийн тулд Оросын эрх баригчид орон нутагт ч нийслэлийн "Мэдээллийг хадгалах нэгдсэн төв"-ийн хүчин чадлыг ашиголахаар төлөвлөж байгаа гэнэ. Энэ төвд царай таних систем холбогдсон байдаг аж. Оросын орон нутгуудаас энэ төв рүү мэдээлэл илгээж, улмаар царай таних системийн тусламжтайгаар "дайчилгаанаас зугтагсад"-ыг илрүүлэхээр зэхэж байгаа гэнэ.
ОХУ-ын Эрхүү мужид 10 дугаар сарын 23-ны ням гарагийн 18:20 цаг орчимд орон сууцны хороололд Су-30 байлдааны онгоц сүйрсэн хэрэг гарсан. Энэ онгоц тус мужид байх онгоцны үйлдвэрээс туршилтын нислэг үйлдэхээр хөөрөөд ийнхүү осолдсон байна.
Коронавирустэй тэмцэх хатуу арга хэмжээнийх нь улмаас эдийн засаг нь саарна гэж шинжээчид таамаглаж байсан ч Хятадын эдийн засгийн өсөлт 2022 оны гуравдугаар улиралд 3,9 хувьд хүрчээ.
ОХУ-ын Ерөнхийлөгч Владимир Путин хоёрдугаар сарын 24-ний өдөр тушаал гаргаж, "цэргийн тусгай ажиллагаа" нэрийн дор Оросын арми хөрш оронруугаа халдсанаас хойш найман сарын хугацаа өнгөрч байна. Энэ хугацаанд барууны орнууд Украинд тусламж үзүүлж, цэргийн тусламжийг тасралтгүй илгээсээр байгаа юм. Гэвч Оросын эсрэг тавьсан хоригоос үүдэлтэй эрчим хүчний хямрал сүүлийн үед даамжирч, зарим улс оронд эрчим хүч, дулааны үнэ өссөний улмаас Оросын эсрэг тавьсан хоригийг эсэргүүцэж, Украинд тусламж илгээхээсээ өмнө ард иргэдээ бодохыг шаардсан жагсаал цуглаан гарах болсон.
Өнгөрсөн долоо хоногт Оросын Краснодар хязгаарын Ейск хотод Су-34 байлдааны онгоц орон сууцны дээрээс унаж, улмаар олон хүний амь нас хохирсон харамсалтай хэрэг гарсан.
Наймдугаар сарын 12-ны өдөр Нью-Йоркийн боловсролын төвд зохиолч Салман Рушди лекци уншихаар ирэх үед түүний биед халдаж, хутгалсан хэрэг гарсан. Энэ хэргийн дараа түүнийг эмнэлэгт яаралтай хүргэн, урт хугацааны туршид Салман эмчилгээ хийлгэж байсан юм.
"Сүүлчийн үе" эсэргүүцлийн бүлгийн экологийн хэт даврагчид Постадм дахь "Барберини" музейд байх Клод Монегийн зураг руу төмсний нухаш цацаж, үүний дараа өөрсдийгөө хананд наажээ.
Олон оронд нэвтрүүлгээ цацдаг Russia Today телевиз орос хэл дээрх суваг хариуцсан захирал Антон Красовскийг ажлаас нь халахаар болжээ. Энэ нь түүний украин хүүхдүүдийн талаар хэлсэн үгтэй нь холбоотой гэж Russia Today телевизийн сувгийн Маргарита Симоньян мэдэгдсэнийг "Эрх чөлөө радио" дамжуулсан байна.
Гүржийн нийслэл Тбилиси хотод ням гарагт Украин дахь дайныг эсэргүүцсэн жагсаал болжээ. Энэ талаар СОТА телеграм суваг мэдээлснийг "Эрх чөлөө радио" дамжуулсан байна.
Өнгөрсөн долдугаар сард Борис Жонсон огцорсны дараа намын дотоод сонгуулиар ялалт байгуулж, Консервартив намын дарга бөгөөд Британийн Ерөнхий сайд болсон Лиз Трасс суудлаасаа огцорсны дараа эрх баригч нам дахин даргаа тодруулах сонгууль зохион байгуулах шаардлагатай болсон юм. Энэ сонгуульд өмнө нь Ерөнхий сайд байсан Борис Жонсоныг нэр дэвшүүлэх талаар яригдаж байсан ч тэрбээр татгалзсан байна. Ингэснээр дараагийн Ерөнхий сайдаар Риши Сунак тодорч магадгүй байгаа талаар ВВС агентлаг мэдээлжээ.
Эх сурвалжийн мэдээлснээр, Нортбрукийн Салем-Уок дүүрэгт амьдрах Шинэбаяр Түдэвдорж хамт амьдардаг 61 настай хөршөө хөнөөсөн хэргээр хүндрүүлэх нөхцөлтэйгээр, аллага, бэлгийн хүчирхийлэлд буруутгагдсан гэж Кук тойргийн шерифийн газар мэдээлсэн байна. Түүнтэй холбоотой шүүх хурал өнгөрсөн баасан гарагт болсон бөгөөд лхагва гарагт шүүхийн сонсгол болох хүртэл урьдчилан саатуулах төвд хорьсон хэвээр үлдээх шийдвэр гаргажээ.
Орост хэсэгчилсэн дайчилгаа зарласны дараа энэ дайчилгаанаас зугтан олон мянган хүн хилийн чанадыг зорьсон. Улмаар энэ урсгалыг тогтоон барих үүднээс Оросын эрх баригчид хөрш улстай хил залгаа хуурай замын боомтууд дээр цэрэг татлагын комисс байгуулж байв.
БНСУ болон БНАСАУ-ын хоорондоо ноцтой сөргөлдөөн болсон талаар хэвлэлүүд мэдээлжээ. Тодруулбал, Хойд Солонгосын хөлөг онгоц тэнгисийн хилийг зөрчсөний улмаас сэрэмжлүүлэх зорилгоор гал нээсэн гэж Өмнөд Солонгосын цэргийнхэн мэдэгдсэн байна.
Энд дуулгахад, ердөө долоо хоногийн өмнө Орост өөр нэг онгоц орон сууцны хороололд осолдсон юм. Тодруулбал, 10 дугаар сарын 17-ны үдэш Краснодар хязгаарын Ейск хотын орон сууцны хороололд байлдааны онгоц осолдсон
Ням гарагт хятадын Коммунист намын Төв хорооны тэргүүлэгчид өнөөгийн тэргүүн Ши Жинпинийг гурав дахь удаагаа сонгож, намын дээд удирдлагын бүрэлдэхүүн дэх Ши Жинпиний дөрвөн хамтран зүтгэгчийг солилоо. Энэ өдөр хаалтаа хийсэн ХХ хурлын гол дуулиан нь Ху Жинтаотай холбоотой байсан юм. Тодруулбал, 10 дугаар сарын 23-ны ням гарагт Коммунист намын өмнөх ерөнхий нарийн бичгийн дарга бөгөөд БНХАУ-ын дарга асан Ху Жинтаог хурлын танхимаас хүчээр гаргасан. Энэхүү намын доторх эргэлт нь хамтын удирдлагын эрин үеийг дуусгавар болгож, Ши Жинпинь намын болоод улс орны цорын ганц, бүрэн эрхэт удирдагч боллоо гэж шинжээчид онцолж байна.