Эдийн засгийн дэд сайдын мэдэгдсэнээр, хөдөлмөрийн зах зээл дэх нөхцөл байдлыг тогтворжуулахын тулд Эдийн засгийн яам хэд хэдэн хөтөлбөр эхлүүлсэн гэнэ. Эдгээрийн дунд иргэдэд хүртээмжтэй зээл олгох, төр баталгаа гаргах замаар бизнесийг дэмжих, үйлдвэрүүдийг аюулгүй нутгуудад шилжүүлэн байршуулах зэрэг хөтөлбөрүүд багтаж байгаа аж.
Энэ улсын хүн амын ердөө 20 хувь нь Катарын иргэн, 60 хувь нь Арабын бусад орнууд, Пакистан, Энэтхэг, Иран зэрэг орны иргэд аж. Мөн энэ улсад эрчүүд нь эмэгтэйчүүдээс гурав дахин их байдаг гэнэ.
Хэдийгээр ийм хориг үйлчлэх ч "Ливерпуль", Нидерландын шигшээгийн хамгаалагч Ван Дейк ЛГБТ-г дэмжин "One Love" гэсэн бичигтэй бүч зүүхээр болжээ. Энэ талаар Championat.com мэдээлсэн байна.
АНУ-ын Колорадо мужийн Колорадо-Спрингс дэх ижил хүйстнүүдийн шөнийн клубт бямба гарагт зэвсэгт этгээд халдлага болж, таван хүн амиа алдаж олон хүн шархадсан талаар "Америкийн дуу хоолой" радио мэдээлжээ.
Энэ удаагийн сонгууль нь ээлжит бус сонгууль байсан бөгөөд өнөөгийн Ерөнхийлөгч Токаев ээлжит бус сонгуулийг өөрөө зарласан юм. Энэ нь эрх мэдлээ хуульчлан батлах гэсэн санаа гэж шинжээчид үзэж байв. Сонгуульд зургаан нэр дэвшигч оролцсоноос Токаеваас бусад тав нь нэг их олны танил болоогүй нэр дэвшигчид байжээ.
Катар-2022-ын бүтээн байгуулалтын үеэр олон мянган цагаач ажилчин амиа алдсан гэж хүний эрхийг хамгаалагчид баталж байна. Эмнести Интернешнл байгууллагын 2021 онд гаргасан тайланд 15 021 ажилчин амиа алдсан эгсэн бол The Guardian сонины эрэн сурвалжлах нийтлэлд 6,5 мянган цагаач ажилчин амиа алдсан гэж онцолжээ.
Катар-2022 нь өвөл болж байгаа анхны ДАШТ болж байна. Өвлийн улиралд тэмцээнийг явуулахаар болсон нь тамирчид болон хөгжөөн дэмжигчдийг зуны аагим халуунаас хамгаалах зорилготой гэнэ.
Сүүлийн хоёр жилийн туршид Египетийн Каир хотоос 32 километр зайд орших Гиза дахь археологийн малтлага дээр дэлхийн өнцөг булан бүрийн археологчид ажиллажээ. Тэд саяхан Тутанхамоныг төр барьж байх үеийн (shuud.mn: МЭӨ 1333-1323) фараоны зөвлөх, ойрын хүрээллийн генералуудынх байж болох олон бунхан, занданшуулсан шарил олсон талаар NBC мэдээлсэн байна.
ОХУ-ын Ерөнхийлөгч Владимир Путин хоёрдугаар сарын 24-ний өдөр "цэргийн тусгай ажиллагаа" эхлүүлэх тушаал өгснөөр Оросын арми хөрш Украин руу халдан орсон юм. Цэргийн объектуудыг л устгана гэж мэдэгдэж байсан Оросын тал дайн эхэлсэн эхний өдрөөс л иргэний байгууламж, дэд бүтцэд цохилт өгсөөр байна. Энэ хугацаанд Украины дэд бүтцэд олон тэрбум долларын хохирол учирсан талаар Украины Сангийн сайд мэдэгджээ.
Хүний эрхийг зөрчдөг гэсэн шалтгаанаар Катарыг зорихыг хүсээгүй өөр нэг алдартан нь Британийн уран бүтээлч Род Стюарт юм. Түүнд сая долларын чек санал болгож, Катарт дуулахыг урьсан ч "ийм үнэт зүйлтэй, үзэл санаатай улс руу явах нь буруу" гэж үзсэн талаараа The Sunday Times сонинд ярьжээ.
Америкийн тэрбумтан Илон Маск Твиттер олон нийтийн сүлжээг худалдан авсныхаа дараа удирдлагуудыг нь халж, ажилтнуудад хатуу шаардлага тавьж байгаа талаарх мэдээлэл гарсан. Илон Маск нэн хатуу нөхцөл тавьсны улмаас олон зуун ажилтан ажлаасаа өөрийн хүсэлтээр халагдахаар болжээ.
Хойд Солонгос баасан гарагт туршсан пуужин нь тив алгасах баллистик пуужин байсан бөгөөд нислэгийн энгийн чиглэлээр АНУ-д ч хүрч болзошгүй байсан гэнэ. Энэ талаар Японы Батлан хамгаалахын сайд Ясуказу Хамада мэдэгджээ.
Газын зурвас дахь дүрвэгсдийн хуаранд байшин шатаж, 21 хүн амиа алдсаны дотор долоон хүүхэд байжээ. Энэ талаар орон нутгийн эмнэлгээс авсан эх сурвалжтайгаар Германы DW агентлаг мэдээлсэн байна.
Казахстан дахь МакДональд түргэн хоолны сүлжээ зоогийн газар үйл ажиллагаагаа зогсоохоос аргагүй байдалд оржээ. Медуза сайтын мэдээлснээр, Казахстан дахь зоогийн газруудыг түр хугацаанд хааж байгаа гэнэ.
Хөлбөмбөгийн түүхэн дэх хамгийн шилдэг хамгаалагчаар тодорсон Серхио Рамосу өдгөө 36 настай. Тэрбээр Испанийн таван удаагийн аварга, Аваргуудын лигийн дөрвөн удаагийн ялагч юм. Түүнийг өмнө нь France Football сэтгүүл түүхэн дэх хамгийн шилдэг хамгаалагч гэж зарлаж байсан.
Япон дахь хэрэглээний инфляци 10 дугаар сард 3,6 хувь болж өсжээ. Энэ нь сүүлийн 40 жилийн хугацаанд бүртгэгдсэн хамгийн өндөр үзүүлэлт гэж Японы Засгийн газраас авсан эх сурвалжтайгаар Kyodo агентлаг мэдээлсэн байна.
Хойд Солонгос 11 дүгээр сарын 17-ны өдөр Дорнод тэнгисийн чиглэлд пуужин хөөргөсөн талаар Өмнөд Солонгосын Штабуудын дарга нарын хороо пүрэв гарагт мэдээлж байлаа. Энэ пуужингийн төрөл болон нислэгийн талаарх тодорхой мэдээлэл гараагүй байсан юм.
Оросын арми өргөн цар хүрээтэй довтолгоогоо үргэлжлүүлж, Украины эрчим хүчний дэд бүтцэд цохилт өгч байгаагийн улмаас Украин даяар цахилгаан эрчим хүч тасалдсан хэвээр байна. Одоогоор 10 сая хүн гэрэл цахилгаангүй амьдарч байгаа талаар Зеленский мэдэгджээ.
ОХУ Украинд дайн дэгдээснээс хойш Европын орнууд Зөвлөлтийн үеийн хөшөө дурсгалуудыг буулгах ажлыг эрчимжүүлсэн. Эдгээрийн нэг нь Эстони улс юм. Энэ улс Зөвлөлтийн үеийн 200 гаруй хөшөөг буулгахаар төлөвлөж байгаа талаар Коммерсант мэдээлжээ.
Хорьдугаар зуунд дэлхийн дундаж температур Цельсийн 0,7 градусаар нэмэгдсэнийг энэ сэдвийг сайн судалсан хүмүүс мэддэг. 1998-2015 оны хооронд дэлхийн дундаж температур нэмэгдээгүй гэдгийг ч бид мэднэ. Өөр олон зүйлсийг ч бид мэднэ. Тийм ч учраас бид уур амьсгалын тамд очно гэх айдас хүйдэс төрүүлэм мэдэгдлийг эсэргүүцэх ёстой юм.