Дональд Трампын хувьд даваа гарагт дахин Харвардын их сургуулийн 3 тэрбум долларын санхүүжилтийг танахаа мэдэгджээ. Учир нь тус сургуулийн оюутнууд Израилын эсрэг жагсаалыг зохион байгуулж, Палестиныг дэмжсээр буй нь антисемитизм буюу еврейн эсрэг үзлийг дэлгэрүүлж байгаа хэлбэр мөн гэж мэдэгдээд байна.
Английн Премьер лигийн тэмцээнд түрүүлсэн “Ливерпүүл” багийн хөгжөөн дэмжигчдийг машинаар дайрч гэмтээжээ. Тодруулбал даваа гарагийн орой Ливерпүүлийн ялалтыг тэмдэглэж, гудамжинд жагсацгааж байсан хөгжөөн дэмжигчид рүү нэгэн этгээд машинтайгаа дайран оржээ. Энэ хэргийн улмаас 27 хүн гэмтэж эмнэлгийн тусламж аваад байна
Орос-Украины талууд дайн эхэлснээс хойших хоригдол солилцох хамгийн том ажиллагааг эхлүүллээ. Хоригдол солилцох ажиллагаа нийт 3 үе шаттай бөгөөд талууд Бямба гарагт буюу тавдугаар сарын 24-ны өдөр Орос, Украины талууд олзлогсод солилцох томоохон ажиллагааны хоёр дахь үе шатны хүрээнд тус бүр 307 цэргийн алба хаагчийг сулласан байна.
АНУ-ын Ерөнхийлөгч Дональд Трамп, Европын холбооны импортод ногдуулах 50 хувийн татварыг долдугаар сарын 9 хүртэл хойшлуулахаар тохиролцжээ. Тэрээр Европын Комиссын Ерөнхийлөгч Урсула фон дер Лейентэй утсаар ярих үеэрээ татварын асуудлыг хэлэлцсэн байна. Ингэснээр Европын холбоонд ногдох 50 хувийн импортын татварыг 6-р сарын 1-ээс хэрэгжих байсныг 7-р сар хүртэл хойшлуулахаар болоод байна. Европын холбоонд ногдох импортын татвар хойшилж буй нь зах зээлийг хямралыг “түр намжааж” байна.
Ням гарагт ОХУ дайн эхэлснээс хойших хамгийн том цохилтыг Украинд өглөө. ОХУ Украины хотууд руу 298 нисгэгчгүй нисэх онгоц, 69 пуужин харвасан бөгөөд 12 хүн амиа алдаад байна. ОХУ Украинд томоохон цохилт өгсөний дараа Дональд Трамп В.Путинд сэтгэл дундуур байгаагаа илэрхийллээ.
Дэлхийн хамгийн том хоёр эдийн засаг “тарифын дайнд” түр эвлэрээд буй. Гэвч БНХАУ АНУ-д цохилт өгөх стратегийн давуу тал болох газрын ховор элементэд тавих хяналтаа сулруулсангүй. АНУ болон БНХАУ-ын төлөөлөгчид өнгөрсөн долоо хоногт Женевт хэлэлцээр хийж тохиролцоонд хүрсэн. Уг хэлэлцээрийн хүрээнд БНХАУ-ын талаас “тарифын бус” хоригуудаа зогсоохоо амлалт өгсөн байдаг. БНХАУ-ын тарифын бус хориг тавигдсан ч газрын ховор элементийн экспортын хориг хэвээр үлджээ
Хэдийгээр Энэтхэг Пакистан 4 өдрийн мөргөлдөөний дараа гал зогсоох тохиролцоонд хүрсэн ч нөхцөл байдал тогтворгүй хэвээр байгаа аж. Харин мөргөлдөөнд Хятадын хожих буюу стратегийн зэвсгээ Пакистаны цэргийн ажиллагаанд турших боломж гарч иржээ. Энэтхэгийн засгийн газар Кашмирын халдлагад Пакистаныг буруутгасан бөгөөд хариу арга хэмжээ болгож"Синдоор ажиллагааг"зарлаж агаарын цохилт өгч эхэлсэн байдаг. Энэтхэгийн зүгээс Синдоор ажиллагааны хүрээнд Франц, ОХУ-д үйлдвэрлэгдсэн тийрэлтэт онгоцуудаа бэлтгэсэн бол Пакистаны тал Хятадтай хамтран үйлдвэрлэдэг J-10, J-17 онгоцуудаа байршуулжээ
АНУ-ын Ерөнхийлөгч Дональд Трамп “Take It Down” нэртэй хуулийг баталлаа. Уг хуульд зааснаар цахим орчинд садар самуун агуулгатай зургыг тухайн хүний зөвшөөрөлгүйгээр нийтэлхийг гэмт хэрэгт тооцохоор болов. Мөн хэн нэгний зургыг хиймэл оюун ухаанаар садар самуун агуулгатай болгож тухайн хүний зөвшөөрөлгүй нийтэлбэл гурван жил хүртэл хорих ял ногдуулана гэв.
АНУ-ын Ерөнхийлөгч Дональд Трамп “Орос-Украин гал зогсоох хэлэлцээг нэн даруй эхлүүлнэ” хэмээн мэдэгдлээ. Даваа гарагт АНУ-ын Ерөнхийлөгч Дональд Трамп ОХУ-ын Ерөнхийлөгч Владимир Путинтэй хоёр цагийн турш утсаар ярьсан байна. Энэ ярианы дараа Дональд Трамп “Талууд нэн даруй гал зогсоох хэлэлцээрийг хэлүүлнэ хэмээн онцолсон бөгөөд энэ асуудлаар В.Путинтай маш сайн ойлголцсон” хэмээн мэдэгдсэн юм.
АНУ-ын Ерөнхийлөгч асан Жо.Байден түрүү булчирхайн хорт хавдараар оношлогджээ. Өдгөө 82 настай Жо.Байдены хорт хавдар ясанд нь тархаад буй аж. Түүний өвчний явц тун хурдацтай тархаж буй бөгөөд одоогоор эмчилгээний аргуудаас сонгож байна хэмээн гэр бүлийнх нь зүгээс мэдэгдлээ.
Дэлхий нийтээрээ хиймэл оюун ухааны эринд хөл тавьж байна. Хиймэл оюун ухааны хөгжиж мэдээллийн дата төвүүд нэмэгдэх тусам асар их эрчим хүч шаардагдана. Тиймээс хиймэл оюуны ухааны хөгжлийг зөвхөн эрчим хүч л нөхнө гэж мэргэжилтнүүд онцолж байна.
Нью-Йоркийн их сургуульд Газын зурваст өргөтгөсөн цэргийн ажиллагаа эхлүүлсэн Израилын армийг шүүмжилсэн оюутны дипломыг хураахаа мэдэгдэв. Лхагва гарагт Нью-Йоркийн их сургуулийн төгсөгч Логан Розос Израилын геноцидийг буруушааж буй видеогоо Нью-Йоркийн сургуулийн вебсайтад байршуулсан байна.
Хэдийгээр газар хөдлөлтийн голомт Мьянмарт байсан ч Тайландын Бангкокт мэдрэгдсэн газар хөдлөлтийн чичиргээнд 30 давхар барилга нурсан юм. Уг барилга нь Тайландын төрийн аудитын барилга байсан бөгөөд тус улсын шүүх энэ хэрэгт холбогдуулан барилгын зураг төсөл, барилга угсралт, барилгыг хүлээн авсан комисс, гэрчилгээ олгосон эрх мэдэлтэн гээд нийт 17 хүнийг баривчлах захирамж гаргажээ. Баривчлагдсан хүмүүсийн нэг нь Тайландын барилгын томоохон компаниудын нэг Italian-Thai Development PLC компанийн ерөнхийлөгч асан Премчай Карнасута байна.
АНУ болон АНЭУ хиймэл оюун ухааны салбарт хамтрах ажиллахаар боллоо. Дональд Трамп АНЭУ-д хийж буй айлчлалынхаа хүрээнд Аби Даби хотод 5 гигваттын хүчин чадалтай, асар том дата мэдээллийн цогцолбор байгуулах төслийн гэрээнд гарын үсэг зурлаа.
Хүүхдүүдийн тэвчээртэй байдлыг "амттаны тест"-ийн тусламжтайгаар шалгадаг байна. Энэ нь эцэг эхчүүд зөвшөөрөхөөс нааш дуртай амттанаа идэж болохгүй, хүлээх сорил юм.
АНУ-ын Ерөнхийлөгч Дональд Трамп Персийн булангийн орнуудад айлчилж буй. Энэ айлчлалын хүрээнд Сирийн шинэ Ерөнхийлөгч Аль Шараатай уулзаад байна. Дональд Трамп Срийн удирдагч Башар Аль-Асадын дарангуйлалд цэг тавьсан Ахмед Аль Шараагийн засгийн газартай харилцаагаа сэргээх боломжийн талаар хэлэлцлээ. Саудын Араб улсын хувьд АНУ болон Сирийн хооронд зуучилж Дональд Трампаас Сирид тавьсан хориг арга хэмжээгээ цуцлахыг санал болгоод байгаа юм. Хэдхэн сарын өмнө Сири болон АНУ-ын удирдагчид уулзах боломжгүй байсан бол дарангуйллын дэглэм унаснаар хоёр улсын харилцаа хэвийн болох боломжтой болох нөхцөл бүрдэх нь.
Инстаграмд 100 мянга гаруй дагагчтай Мексикийн инфлюенсер Валериа Маркес ТикТок дэх шууд дамжуулалтын үеэр амиа алджээ. Тодруулбал, 23 настай Валериа Маркес өөрийн гоо сайхны салоноосоо шууд дамжуулалт хийж байсан бөгөөд энэ үеэр түүнд илгээмж ирсэн байна. Илгээмж авсан бүсгүй үзэгчдэдээ хандан “бяцхан гахай байна” гэж хэлээд инээмсэглэжээ.
Украины ерөнхийлөгч Владимир Зеленский пүрэв гарагт Истанбулд болох энхийн гэрээ байгуулах асуудлаар хэлэлцээнд оролцохыг В.Путинд уриалсан. Хэрэв В.Путин өөрийн биеэр ирж уулзалтад оролцохгүй бол ОХУ-ын төлөөлөгчидтэй энхийн гэрээ байгуулах хэлэлцээ хийхгүй гэж мэдэгдсэн юм. Гэвч Истанбулд болох уг хэлэлцээнд ОХУ-ын Ерөнхийлөгч В.Путин оролцохгүй хэмээн Кремль мэдэгдлээ. Харин В.Путиныг төлөөлж түүний туслах туслах Владимир Мединский ОХУ-ын төлөөлнө гэв.
Украины Ерөнхийлөгч В.Зеленский ОХУ-ын Ерөнхийлөгч В. Путинтэй зөвхөн биечлэн уулзана гэж мэдэгдлээ. В.Зеленский ОХУ-ын төлөөлөгчидтэй хэлэлцээ хийхээс албан ёсоор татгалзаж, Владимир Путин өөрийн биеэр Истанбулд ирвэл хэлэлцээ хийнэ гэж мэдэгдсэн байна.
Дэлхийн хамгийн ядуу ерөнхийлөгч гэгддэг Уругвайн Ерөнхийлөгч асан Хосе Мухика таалал төгслөө. Тэрээр 2010-2015 онд Уругвайн Ерөнхийлөгчөөр ажиллаж байсан бөгөөд даруухан амьдралын хэв маягаараа дэлхийд алдаршсан нэгэн байв. Түүнийг таалал төгссөн мэдээллийг одоогийн Ерөнхийлөгч Яманду Орси мэдэгдсэн бөгөөд өөрийн Х дэх хуудаснаа "Бидэнд өгсөн бүгдэд тань талархая, ард түмнээ хайрласанд баярлалаа" хэмээн нийтэлжээ.