Оросын нисэх үйлдвэрийн удирдах ажилтныг төрөөс урвасан хэргээр баривчилжээ. Энэ талаар Оросын Холбооны аюулгүй байдлын албанаас авсан эх сурвалжтайгаар РБК агентлаг мэдээлсэн байна.
Хятадад хиймэл оюун ухаанаар "бүтээсэн эмэгтэй" тоглоом боловсруулагч компанийн ерөнхий захирлаар томилогджээ. Виртуаль ажилтан Тан Юйг NetDragon Websoft компани ерөнхий захирлаараа томилсон гэж SCMP сонин мэдээлсэн байна.
Олон жил сөргөлдөж, хэсэг хугацаанд намжмал байгаад 2020 онд дахин тулалдаж эхлээд талуудын оролцоотойгоор хэлцэлд хүрч байсан Армени, Азербайжаны мөргөлдөөн наймдугаар сард дахин эхэлсэн ч хэсэг хугацаанд намжмал байдалтай байв. Харин есдүгээр сарын 13-ны өдөр Армени, Азербайжан дахин мөргөлдсөн талаар талууд мэдээлж байлаа.
БНХАУ улсдаа хамгийн томд тооцогдох нарны цахилгаан станцыг бүтээх ажлаа эхлүүлжээ. Энэ станц БНХАУ-ын баруун хойд нутагт байх Ниншя-Хуэн өөртөө засах орны Тэнгэр говьд байрлах аж.
ОХУ-д есдүгээр сарын 9-11-ний өдрүүдэд орон нутгийн эрх баригчдыг тодруулах сонгууль болсон. Энэ сонгуулийн үеэр саналын хуудсан дээр дайн эсэргүүцсэн үгс бичсэн тохиолдол хэд хэд гарсан талаарх мэдээлэл олон нийтийн сүлжээгээр гарч байв. Харин ийн эсэргүүцлээ илэрхийлсэн хүмүүсийг "Оросын армийн нэр төрийг гутаасан" гэсэн үндэслэлээр захиргааны хэрэгт татаж байгаа талаар "Медиазона" мэдээлжээ.
Олон хүүхэдтэй эцэг дайчилгааны нөөцөд орж, гэрээ байгуулах боломжийг тусгасан хуулийн төслийг Оросын Төрийн думын гишүүд доод танхимд өргөн барьсан талаар ВВС агентлаг мэдээлжээ. Энэ хуулийн төсөлд, олон хүүхэдтэй эцэг ажил хөдөлмөрөө орхилгүйгээр цэргийн цуглаанд тогтмол очдог хүмүүсийн нэг болох "боломжийг олгох" гэнэ. Оросын арми сүүлийн өдрүүдэд фронтын олон чиглэлд ухарч байгаа талаарх мэдээлэл гарч байгаа энэ үед ийм санаачилга гарсан нь олны анхаарлыг ихээхэн татаж байгаа юм.
Төрийн оршуулгын ёслолд гадаадын 500 орчим төлөөлөгч оролцох төлөвлөгөөтэй байгаа аж. Politico сонины мэдээлснээр, төрийн оршуулгад уригдсан дэлхийн төрийн тэргүүнүүд автомашин болон нисдэг тэрэг ашиглах боломжгүй, Лондон руу арилжааны нислэгээр ирэх шаардлагатай гэнэ. О
Энд дуулгахад, Оросын Гэгээрлийн яам энэ хичээлийн жилд дунд сургуулиудад "Чухал сэдвээрх яриа" нэртэй эх оронч хичээол нэвтрүүлж эхэлсэн байна. Эх орноо хайрлах, улсаараа бахархах, эх орноч үзэл төлөвшүүлэх зорилгоор энэ хичээлийг бага ангийн сурагчдад зааж байгаа аж. Түүнчлэн энэ журмын дагуу шинэ долоо хоног бүр Оросын төрийн дууллыг дуулж, төрийн далбаа мандуулах ёслол хийдэг болжээ.
Есдүгээр сар гарсаар Украины Зэвсэгт хүчний цэргүүд сөрөг довтолгоог амжилттай хийж, Украины багагүй нутгийг чөлөөлсөн талаар тус улсын Ерөнхий штаб мэдээлсээр байгаа юм.
Шинжаанд албан ёсоор хөл хорио зарлаагүй, гэхдээ хүмүүсийг албадан тусгаарлаж байгаа талаар олон нийтийн сүлжээгээр хүмүүс бичсээр байгаа аж. Тэд хүнсээ, нэн хэрэгцээт бараагаа худалдан авч чадахгүй байгаа талаар олон нийтийн сүлжээнд бичжээ.
Азербайжаны хил дээр гарсан эзвсэгт сөргөлдөөний улмаас Арменийн цэргүүд хохирол амссан талаар Арменийн Батлан хамгаалах яам мэдэгдсэн байна. Амиа алдсан болон шархадсан цэргүүд байгаа, Азербайжаны цэргүүд иргэний дэд бүтцийн объектуудад цохилт өгсөөр байна хэмээн БХЯ мэдэгджээ.
Сүүлийн өдрүүдэд Украины Зэвсэгт хүчин амжилттай давшиж, Оросын цэргүүдэд эзлэгдсэн нутаг дэвсгэрүүдийг ээлж дараалан чөлөөлсөөр байгаа юм. ОХУ Украины газар нутгийг хяналтдаа оруулсныхаа дараа тухайн бүс нутгийн сургуулиудыг орос хэлээр хичээл заадаг болгох, Оросын боловсролын гэрчилгээ олгох зэрэг журам нэвтрүүлж, эдгээр сургуулиудад хичээл заах багш нарыг өндөр цалин амлан хяналтаа тогтоосон газрууд руу явуулж байлаа.
"Смольнинскийн орон нутгийн зөвлөл Ерөнхийлөгч Путинийг албан тушаалаас нь буулгахын тулд төрөөс урвасан хэрэгт буруутгах саналыг Төрийн думын гишүүдэд гаргахаар шийдсэн" хэмээн Дмитрий Палюга Твиттер хуудсандаа бичжээ. Энэ шийдвэрийг орон нутгийн депутатуудын олонх нь дэмжсэн гэж тэрбээр онцолсон байна.
Японд MeowTalk нэртэй апликейшн нэвтрүүлжээ. Энэ апликейшн "муурны хэл орчуулагч" бөгөөд гэрийн тэжээвэр амьтнаа ойлгоход туслана гэж NHK суваг мэдээлжээ.
Есдүгээр сарын тавны өдөр Хятадын Сычуань мужид хүчтэй газар хөдлөлт болсны улмаас олон хүн амиа алдаж, бэртэж гэмтсэн. Хүчтэй газар хөдлөлт болсны улмаас гэмтэж бэртсэн хүмүүс эмчлүүлж байгаа ч гэмтлээ даахгүй нас барах тохиолдол нэмэгдсээр байгаа талаар Синхуа агентлаг мэдээлжээ.
Ромд аялж явсан АНУ-ын жуулчныг усан оргилуурын хажууд шар айраг, зайрмаг барьж суусан гэж орон нутгийн цагдаагийнхан 450 доллараар торгосон гэж The Insider мэдээлжээ.
Их Британи Умард Ирландын Нэгдсэн Хаант Улсад 70 жил төр барихдаа хатан хаан II Элизабет ихээхэн хөрөнгө цуглуулсан гэнэ. Британийн хэвлэлүүдийн мэдээлснээр, хатан хааны өв хөрөнгө хагас тэрбум доллараас буухгүй аж.
Туркийн Стамбул хот дахь худалдааны төвд зэвсэгт сөргөлдөөн гарсны улмаас зургаан хүн шархадсаны тав нь гадаадын иргэн байсан гэнэ. Энэ сөргөлдөөнд оролцогчид 12 удаа буудсан хэмээн Туркийн Sabah сонин мэдээлжээ.
Гэхдээ сөрөг довтолгооны талаарх ямар мэдээллийг АНУ-д өгсөн, Америкийн албан тушаалтнууд ямар зөвлөгөө өгсөн талаар эх сурвалж мэдээлээгүй байна. Ямартай ч дайн үргэлжлэх бүхий л хугацаанд АНУ Украинд Оросын командлалын цэгүүд болон зэвсгийн агуулахын талаарх мэдээллийг дамжулсан гэж эх сурвалж мэдээлжээ.
Украины Зэвсэгт хүчин хэрхэн олзонд орж, бууж өгөх талаарх зааварчилгаа бүхий сумаар Оросын цэргүүд рүү буудаж байгаа гэнэ. Давшилт хийхийн өмнө ийм арга хэрэглэж байгаа талаар Украины Батлан хамгаалахын дэд сайд Анна Маляр мэдэгдсэнийг "Обозреватель" дамжуулжээ. Дэд сайдын өгүүлснээр, интернет байхгүй газарт дайснуудад ухуулах ажил хийх нэг арга нь энэ гэнэ.