Хятадад газар хөдлөлтийн улмаас амиа алдсан хүний тоо 82 болж нэмэгдлээ
Хятадын Сычуань мужид есдүгээр сарын тавны өдөр хүчтэй газар хөдлөлт болсны улмаас амиа алдсан хүний тоо нэмэгджээ. Энэ талаар Хятадын төв телевиз мэдээлсэн байна.
Трасс, Шольц нар найдвартай эрчим хүчний хангамжийн чухлыг онцолжээ
Эх сурвалжийн мэдээлснээр, Лиз Трасс, Олаф Шольц нар эрчим хүчний хямралын талаар хэлэлцжээ. Ингээд найдвартай, тогтвортой эрчим хүчний хангамж чухал гэдгийг хоёр тал онцолсон гэж Их Британийн Засгийн газрын хэвлэлийн нарийн бичгийн дарга мэдэгдсэн байна.
Украины Оросын эрх баригчдын 606 төлөөлөгчийн эсрэг хориг тавилаа
Украин улс ОХУ-ын эрх баригчдын төлөөлөл болох 606 хүний эсрэг хориг арга хэмжээ тавьжээ. Энэ талаар Украины Ерөнхийлөгч Владимир Зеленский Телеграм хуудсандаа нийтэлсэн мэдэгдэлдээ өгүүлсэн байна.
Хиймэл оюун ухаан бие даан кино бүтээнэ
Германы иргэн Фабиан Штельцер хиймэл оюун ухааны тусламжтайгаар кино бүтээхээр шийджээ. Энэ киног бүхэлдээ хиймэл оюун ухаанаар бүтээх бөгөөд нэг хэсэг нь зураг авч, нөгөө нь дуу оруулж, зарим нь тусгай эффектүүдийг хийнэ гэж DW мэдээлсэн байна.
Канадад олон хүний аминд хүрсэн хэргийн сэжигтэн баривчлагдсаныхаа дараахан нас баржээ
Эх сурвалжийн мэдээлснээр, Канадын цагдаагийнхан 32 настай Сандерсоныг гурван өдрийн туршид Канадын гурван муж даяар хайж, улмаар Саскачеван мужийн Ростерн хотоос олсон байна. Түүнийг хулгайлсан машинаа унаж явахад нь хотын ойролцоох зам дээр цадаа зогсоожээ. Сандерсонд санаатайгаар бусдын амь насыг хөнөөсөн, амь насанд халдахыг завдсан гэсэн зүйл ангиар ял тулгасан ч баривчлагдсаныхаа дараахан нас барсан гэнэ.
Хойд Солонгосын эрх баригчид улсаа үлгэрийн орон болгоно гэж амлав
Хойд Солонгосын эрх баригч нам хоёр шинэ хуулийн тусламжтайгаар сууринд эрс өөрчлөлт хийж, БНАСАУ-д "сайхан, соёл иргэншсэн социалист үлгэр" бүтээхээр зорьж байгаа хэмээн Солонгосын цахим мэдээллийн төв агентлаг мэдээлснийг DW агентлаг дамжуулжээ.
"Пеппа тоорой" хүүхэлдэйн кинонд ижил хүйстэн гэр бүлийг харуулсан нь шуугиан дэгдээжээ
Дэлхийн олон оронд ихээхэн алдартай "Пеппа тоорой" хүүхэлдэйн кино бүтээгчид ижил хүйстэн гэр бүлийг анх удаа харуулсан нь үзэгчдийн дунд ихээхэн шуугиан тарьсан талаар ВВС агентлаг мэдээлжээ.
Украин ирэх онд батлан хамгаалахдаа 27 тэрбум доллар төсөвлөнө
Украин 2023 онд нэг их наяд гривна буюу 27 орчим тэрбум долларыг батлан хамгаалахын хэрэгцээндээ зориулахаар болжээ. Энэ талаар тус улсын Ерөнхийлөгч Владимир Зеленский мэдэгдсэн байна.
ШХАБ-ын уулзалтын үеэр Путин, У.Хүрэлсүх нар уулзана
ШХАБ нь Евразийн улс төр, эдийн засаг, аюулгүй байдлын байгууллага бөгөөд БНХАУ, Казахстан, Киргиз, ОХУ, Тажикистан, Узбекистан, Энэтхэг улс ШХАБ-ын гишүүн орнууд юм. Харин манай улс ажиглагчийн статустай, ОХУ, БНХАУ-ын талаас манай улсыг статусаа өөрчлөх, гишүүн орноор нэгдэх талаар удаа дараа уриалдаг ч Монгол Улсын хувьд ажиглагчийн статустай байх нь үндэсний эрх ашигт нийцнэ гэж судлаачид онцолдог.
Путин: Монгол бол ОХУ-тай нөхөрсөг харилцаатай орон, хий хоолой дамжуулахад асуудалгүй
Ерөнхий сайд Л.Оюун-Эрдэнэ Владимир Путинтэй уулзахдаа УЦС зэрэг томоохон төслүүдийг хөндөн ярилцана гэж манай талаас мэдээлж байв. Харин “Монголын УЦС-ын асуудал дээр ОХУ экологийг чухалчилна” гэх утга бүхий байр суурь илэрхийлж байсан Оросын тал Путин, Л.Оюун-Эрдэнэ нарын хэлэлцээрийн үеэр УЦС яригдсан талаар мэдээлсэнгүй, харин Монголын нутгаар дамжих хийн хоолой, эрчим хүчний нийлүүлэлтийг нэмэгдүүлэх талаар тохиролцсон гэсэн мэдээллийг дамжуулжээ.
Мьянмар Оросын газрын тосны бүтээгдэхүүнийг худалдан авч эхэллээ
Мьянмар улс Оросоос газрын тосны бүтээгдэхүүн худалдан авч эхэлсэн талаар Мьянмарын Ерөнхий сайд Мин Аун Хлайн мэдэгджээ. Түүнчлэн газрын тосны бүтээгдэхүүний төлбөрийг рублиэр хийхэд бэлэн байгаа хэмээсэн талаар Интерфакс дамжуулсан байна.
Оросын форумд Хятадаас 205, Монголоос 34 төлөөлөгч оролцож байна
Оросын "Дорнын эдийн засгийн чуулган-2022" энэ өдрүүдэд Владивосток хотноо үргэлжилж байна. Форумд, Хятад, Мьянмар, Армени, Монгол, Өмнөд Солонгос зэрэг нийт 60 орны 5000 төлөөлөгч оролцож байгаа аж. Харин 25 орны дипломат төлөөлөгч биечлэн болон цахимаар оролцож байгаа талаар Регнум агентлаг мэдээлжээ.
Хиагтад тээвэр, логистикийн терминал байгуулна
"Алтанбулаг-Хиагт" олон улсын автозамын шалган нэвтрүүлэх боомтоор дамжин өнгөрөх ачаа тээврийн урсгал жилээс жилд нэмэгдэж байгаа энэ үед Оросын тал Хиагтад орчин үеийн тээвэр-логистикийн терминал байгуулахаар болжээ. Энэ талаар "Регнум" агентлаг мэдээлсэн байна.
Буриадуудыг дайнд илгээхээр өндөр цалин амлаж байгаа ч сайн дурын батальон нь бүрдэхгүй байна
Сайн дурын цэргүүдийг элсүүлэх аян Буриадад ч өрнөж байгаа аж. Орос, Украины дайнд хамгийн ихээр хүнээ алдсан эхний хоёр бүс нутгийн нэг болох Буриадад "Байкал" нэртэй сайн дурын цэргүүдийн батальон бүрдүүлэхээр хэдэн сарын туршид ажиллаж байгаа юм. Өмнө нь амлаж байсан цалинг нэмж, нэмэлт урамшуулал амласан ч цэргүүдийн тоо гүйцэхгүй л байгаа нь Буриадын хэвлэлүүдийн мэдээллээс харагдаж байна.
Пентагон: Орос зэвсэг худалдан авахаар Хойд Солонгост хандсан
Гэхдээ АНУ зэвсэг нийлүүлэлтийн талаар дэлгэрэнгүй мэдээлэл гаргаагүй. Харин АНУ-ын нэрээ нууцалсан албаны төлөөлөгч сэтгүүлчдэд ярихдаа Орос улс Хойд Солонгосоос бага тусгалын пуужингууд, артиллерийн сум худалдан авч байгаа, цаашлаад "нэмэлт төхөөрөмжүүд" худалдан авах эрмэлзэлтэй хэмээн онцолсон ч чухам ямар төхөөрөмж авах талаар мөн л нэмэлт тайлбар өгөөгүй байна.
Байден, Трасс нар Орос, Хятад, Ираныг хамтдаа сөрөхөөр тохиролцов
Эх сурвалжийн мэдээлснээр, тэд утсаар ярилцах үеэрээ хоёр орны хамтын ажиллагааг гүнзгийрүүлэхэд бэлэн байгаагаа нотолж, тэр дундаа Украины сөргөлдөөнтэй холбоотойгоор Орос, түүнчлэн Хятад, Ираныг хамтдаа сөрөн зогсохоо илэрхийлсэн байна.
Лиз Трасс: Их Британийг цалин өндөртэй, аюулгүй гудамжтай, амбицтай улс болгоно
Тэрбээр Ерөнхий сайдын албанд очоод "Их Британийг өндөр цалинтай, аюулгүй гудамжтай, иргэн бүрт боломж байдаг улс болгоно" хэмээн амалсан юм. Лиз Трасс татварыг бууруулж, шинэчлэл явуулснаар эдийн засгаа хөгжүүлэх төлөвлөгөөтэй байгаа аж. Түүнчлэн эрүүл мэндийн системд онцгой анхаарал хандуулна гэж амлаж байлаа.
IAEA Запорожийн АЦС-ын орчимд аюулгүй бүс байгуулахыг уриалав
Олон улсын цөмийн энергийн агентлагийн төлөөлөгчид есдүгээр сарын нэгний өдөр Украины Запорожийн АЦС дээр ажилласан юм. Энэ станц наймдугаар сарын эхэн үеэс л аюултай байдалд орсон бөгөөд Орос, Украин аль аль тал буудаж, зэвсэг ашиглаж байгаад нэгнээ буруутгаж байв.
Путин, Л.Оюун-Эрдэнийн уулзалтаар УЦС яригдана, гэхдээ ОХУ экологио чухалчилна
Эндээс харахад, Л.Оюун-Эрдэнэ, Путин нарын уулзалтын үеэр усан цахилгаан станцын асуудал бүрэн шийдэгдэхээргүй байж болзошгүй байна. Монгол Улс усан цахилгаан станц байгуулах талаар олон жил төлөвлөж байгаа ч Оросын талаас Байгал нууранд хөнөөлтэй гэсэн шалтгаар үргэлж эсэргүүцсээр ирсэн. Энэ удаад ч хэлэлцээрийн үеэр “Байгал нуурын аюулгүй байдлыг хангах нь эрхэм зорилго” гэж Владимир Путиний туслах онцолсон нь “экологиор шалтаглан” Монголын УЦС-ын төслийг гацааж болзошгүй гэсэн хардлага төрж байгаа юм.
Үнийн өсөлтийг эсэргүүцсэн италичууд төлбөрийн нэхэмжлэлээ шатаажээ
Европын орнуудад цахилгаан эрчим хүчний хямрал нүүрлэж, хэрэглээний төлбөр өссөнөөс үүдэлтэйгээр иргэд эсэргүүцлээ илэрхийлж эхэллээ. Өнгөрсөн амралтын өдрүүдэд Чех, даваа гарагт Германд үнийн өсөлтийг эсэргүүцэн жагсаал болсон бол Италид арай өөр аргаар эсэргүүцлээ илэрхийлсэн талаар МИР24 мэдээлжээ.