БНХАУ-ын Жянсү мужийн Наньтун хотын Хаймэнь дүүрэг орчимд хөх мөрний доогуур туннель барих түүхэн бүтээн байгуулалт эхэллээ. Энэхүү бүтээн байгуулалт нь дэлхийн усан доорх авто замын хамгийн том бүтээн байгуулалт юм. Усан доорх хамгийн урт туннель барих ажилд БНХАУ өөрсдийн инженерүүдийн зохион бүтээсэн хонгил ухагч төхөөрөмжийг ашиглаж байна гэж CCTV мэдээлэв.
"Amazon" компанийг үүсгэн байгуулагч Жефф Безосын “Blue Origin” компани эмэгтэй алдартнуудаас бүрдсэн баг сансарт илгээж түүх бүтээв. “Blue Origin” компанийн зохион бүтээсэн “New Shepard” хөлөг Техас муж дахь талбайгаас амжилттай хөөрсөн байна. Эмэгтэй алдартнуудаас бүрдсэн баг сансарт ниссэн нь 1963 онд ЗХУ-ын сансарын нисгэгч Валентина Терешковаас хойш эмэгтэй хүн сансарт ниссэн анхны тохиолдол болов.
БНСУ-ын засгийн газар чип үйлдвэрлэлийн салбараа тэлэх бодлого баримталж байна. Энэ хүрээнд тус улсын Засгийн Газар 2025 онд хагас дамжуулагчийн салбартаа 23.1 тэрбум ам.долларын хөрөнгө оруулалт хийхээ зарлаад байгаа аж.
АНУ-ын Ерөнхийлөгч Дональд Трамп Харвардын Их сургуулийн санхүүжилтийг царцаалаа. Тодруулбал даваа гарагт Холбооны Засгийн газар Харвардын их сургуульд олгогддог тэтгэлэгийн 2.2 тэрбум ам.доллар болоод үйл ажиллагааны 60 орчим сая ам.долларын санхүүжилтийг шийдвэр гаргасан тухай CNN мэдээллээ.
БНХАУ-ын дарга Ши Жиньпин хэдий хариу арга хэмжээ авч байгаа ч дэлхийд эдийн засгаараа тэргүүлэгч улсуудын сөргөлдөөн бусад улсад сөрөг нөлөө үзүүлэхийг хүлээн зөвшөөрч “Худалдааны дайнд ялагч үгүй” гэж мэдэгдсэн юм. Ши Жиньпины хувьд өнөөдөр Вьетнамын Ханойд айлчлах бөгөөд тарифын дайнд хамгийн их өртөж буй Зүүн Өмнөд Азийн улсуудтай харилцаагаа бэхжүүлэхийг зорьж байна.
ОХУ Украины Сумы хотод халдлага үйлдсэнээр 34 хүн амиа алдлаа. Мөн ОХУ-ын пуужингийн цохилтын улмаас 117 хүн хүнд хөнгөн шархдаад байгаа тухай Украины Ерөнхийлөгч В.Зеленский мэдэгдлээ.
Дональд Трампын БНХАУ-д ногдуулж буй 145 хувийн татвараас технологийн бараа бүтээгдэхүүнүүд чөлөөлөгдлөө. Тухайлбал импортын ухаалаг утас, компьютер, нарны хавтан, зурагт, төрөл бүрийн дэлгэц, чип зэрэг электрон бараа бүтээгдэхүүнүүд 145 хувийн худалдааны тарифаас түр чөлөөлөгдөж 20 хувийн татвар ногдуулсан хэвээр үлдээв. Ингэснээр IPHONE гар утас зэрэг технологийн бүтээгдэхүүний үнэ нэмэгдэх эрсдэлгүй боллоо.
Арабын Нэгдсэн Эмирт Улсын нийслэл Абу-Даби хотод АНУ, ОХУ-ын талууд дипломат харилцаагаа сэргээх боломжийг хэлэлцэх уулзалт хийсэн. Уг уулзалтын хүрээнд талууд хоригдлууд солилцсон тухай “The Wall Street Journal” онцолжээ.
Их Британи улсын Засгийн газар Украин руу 450 сая паунды цэргийн тусламж үзүүлэхээ албан ёсоор мэдэгдлээ. Энэ тусламж нь Европын Холбоон зохион байгуулалтаар Брюссельд болох 50 орны уулзалтын өмнөх чухал алхам болж байна.
АНУ, БНХАУ-ын худалдааны дайн улам даамжирч байна. АНУ-ын Ерөнхийлөгч Дональд Трамп БНХАУ-ын бараа бүтээгдэхүүнд ногдуулах импортын татварын 145 хувьд хүргэхээ зарлалаа
АНУ, БНХАУ-ын хооронд өрнөж буй худалдааны дайн улам хурцдаж байна. АНУ-ын Ерөнхийлөгч Дональд Трамп БНХАУ-д ногдуулах нэмэлт тарифаа 125 хувьд хүргэх шийдвэрийг зарласан нь олон улсын анхаарлыг татав.
ОХУ-ын болон АНУ-ын хоорондын дипломат харилцааг тогтворжуулж, хоёр улсын Элчин сайдын яамд, консулын газруудын үйл ажиллагааг хэвийн горимд оруулах чиглэлээр хийж буй хоёр дахь шатны зөвлөлдөх уулзалт өнөөдөр Туркийн Истанбул хотноо эхэлж байна.
Орос-Украины дайнд БНХАУ-ын 155 иргэн байлдаж байгаа тухай Украины ерөнхийлөгч В.Зеленский мэдэгдлээ. Тэрээр лхагва гарагт хийсэн мэдэгдлийнхээ үеэр ОХУ-ын арми гадаадын иргэдийг элсүүлж дайны хуулийг зөрчиж байна гэж мэдэгдсэн юм.
Доминикан улсын нийслэл Санто Домингод шөнийн клубын тааз нурж, 79 хүн амиа алдаж, 150 гаруй хүн шархаджээ. Уг шөнийн клубт Монте Кристигийн амбан захирагч Нелси Круз болон Мажор лигийн нэрт бейсболын тоглогч асан Октавио Дотел тэргүүтэй улс төр урлаг спортын олон алдартнууд цугласан байжээ. Монте Кристигийн амбан захирагч Нелси Круз газар дээрээ амиа алдсан бол нэрт тамирчин Октавио Дотел эмнэлэгт хүргэгдэх замдаа нас барсан байна
БНСУ-ын Ерөнхийлөгчийн ээлжит бус сонгууль ирэх 6-р сарын 3-нд товлогдоод буй. Тэгвэл тус улсын дараагийн Ерөнхийлөгч хэн байх вэ? 2024 оны 12-р сард БНСУ-ын огцорч буй Ерөнхийлөгч Юн Сок Ёл цэргийн онц байдал зарласан байдаг. Цэргийн онц байдал зарлаж ард түмнийхээ эсрэг гэмт хэрэг үйлдсэн гэж буруутгагдсан Юн Сок Ёлыг тус улсын Үндэсний Ассамблей огцруулах үйл явцыг эхлүүлж, улмаар 2025 оны 4-р сарын 4-нд БНСУ-ын Үндсэн хуулийн цэц Юн Сок Ёлыг огцруулах шүүхийн шийдвэрийг хэвээр үлдээсэн юм.
БНХАУ-ын бараа бүтээгдэхүүнд ногдуулах 104 хувийн татвар лхагва гарагаас (2024-04-09) хэрэгжиж эхэлнэ. АНУ-ын Ерөнхийлөгч Дональд Трампын татварын бодлого БНХАУ-ыг голчлон онилж байгаа нь худалдааны дайныг улам гүнзгийрүүлж байна. Дэлхийд эдийн засгаараа нэг, хоёрдугаарт эрэмблэгдэх эдийн засагтай их гүрнүүдийн зөрчил даамжирч буй нь хөрөнгийн биржүүдэд шуурга дэгдээж хувьцааны ханш савлаж байна.
БНХАУ-ын эрх баригчид АНУ-ын импортын татварын бодлогод буулт хийхгүй, эцсээ хүртэл тэмцэнэ мэдэгдэв. АНУ-ын импортын татварын эсрэг харилцан татвар ногдуулж буй тус улс "хямралыг боломж болгоно" гэжээ.
ОХУ-ын Ерөнхийлөгч Владимир Путин Орос-Украины дайныг зогсоох АНУ-ын саналыг дэмжиж буй ч уг санаачилгын хэрэгжилт ямар байх тал дээр эргэлзсэн хэвээр байгаа гэв. Кремлийн хэвлэлийн төлөөлөгч Дмитрий Песков Владимир Путины байр суурийг дамжуулахдаа, "Манай талаас гал зогсоохыг дэмжиж байгаа ч хэд хэдэн чухал саналд тодорхой хариулт авах шаардлагатай. Манай саналд одоогоор хэн ч бодитой хариулт өгөөгүй хэвээр байна” хэмээн онцолсон байна. АНУ-ын Ерөнхийлөгч Дональд Трамп тангараг өргөснөөсөө хойш Украин-Оросын дайныг зогсоох чиглэлээр идэвхтэй ажиллаж буй ч өнөөг хүртэл тодорхой ахиц хараахан гарсангүй.
АНУ Ираны хооронд олон жилийн турш үргэлжилсэн хурцадмал харилцаанд ахиц гарч магадгүй байна. Талууд энэ сарын 12-ны бямба гарагт хоёр улсын элч төлөөлөгчид Оман улсад шууд бус хэлэлцээ хийхээр тохиролцсон тухай Ираны Гадаад харилцааны дэд сайд Аббас Арагчи албан ёсоор мэдэгдлээ.
Украины Ерөнхийлөгч В.Зеленский ОХУ-ын Белгород болон Куркс мужид Украины арми "тусгай ажиллагаа" явуулж байгааг баталлаа. Тэрээр Белгород болон Курск мужид явуулж буй "тусгай ажиллагааг" Украины хил орчмын хот, суурин газруудыг хамгаалах зорилготой гэдгээ тодотгосон байна.