Израилын Батлан хамгаалахын сайд Израил Кац Газын зурваст өргөтгөсөн “цэргийн ажиллагаа” явуулахаа мэдэгдээд байгаа. Уг цэргийн ажиллагааны зорилго нь Газын зурвасын томоохон газар нутгийг "Израилын аюулгүйн бүсэд оруулах” зорилготой. Мөн террористууд болон терроризмын дэд бүтцийг устгах цэвэрлэгээ хийнэ гэжээ.
Изралын арми Газын зурвас дахь довтолгооноо өргөжүүлэхээр боллоо. Израилын Ерөнхий сайд Биньямин Нетаньяху хэлэхдээ, ХАМАС бүлэглэл гал зогсоох хэлэлцээрийн хугацааг сунгах, барьцаанд буй хүмүүсийг суллахаас татгалзсан тул довтолгооныг үргэлжлүүлнэ гэж мэдэгдсэн юм.
ОХУ хаврын цэрэг татлагаа эхлүүллээ. 2025 оны хаврын цэрэг татлагаар 18-30 насны 160,000 ОХУ-ын иргэдийг цэрэгт татах болсон нь 2011 оноос хойших хамгийн өндөр үзүүлэлт юм. Өнгөрсөн 2024 онд 150,000 хүнийг цэргийн албанд татсан.
АНУ-ын Д.Трампын импортын татвар нэмэх шийдвэр дөрөвдүгээр сарын 2-оос мөрдөгдөж эхлэх тухай Цагаан ордоноос мэдээлэв. Дэлхийн худалдааны түүхэнд томоохон өөрчлөлт оруулж мэдэх импортын татварын бодлого нь АНУ-ын бусад улс орнуудтай хийх худалдааны балансыг тэнцвэржүүлэх, дотоодын үйлдвэрлэгчдийг дэмжих зорилготой.
ОХУ-ын Ерөнхийлөгч Владимир Путины Кирилл Дмитриев энэ долоо хоногт АНУ-д айлчилж Дональд Трампын тусгай төлөөлөгч Стив Виткоффтай уулзахаар болов. Хоёр талын төлөөлөгчид Орос-Украины дайныг зогсоох асуудлыг хэлэлцэх төлөвтэй байна.
БНХАУ-ын үндэсний оффшор газрын тосны корпораци (CNOOC) Өмнөд Хятадын тэнгист томоохон нээлт хийж, 100 сая тонноос давсан батлагдсан нөөцтэй газрын тосны шинэ орд илрүүлснээ зарлалаа. "Хуйжоу 19-6" хэмээн нэрлэгдсэн газрын тосны орд нь Өмнөд Хятадын тэнгисийн маргаантай бүсэд хамааралгүй, харин эргээс 200 далайн миль буюу 370 км-ийн зайд, Хятадын эдийн засгийн онцгой бүсэд оршдог стратегийн ач холбогдолтой нөөц гэгдэж байна.
БНХАУ-ын зэвсэгт хүчин Тайвань арлын эргэн тойронд өнөөдрөөс эхлэн бүрэн хэмжээний цэргийн сургуулилалт явуулж эхэлснээ зарлалаа. Энэ тухай Хятадын Ардын Чөлөөлөх Армийн (ХАЧА) Дорнод бүсийн командлалын төлөөлөгч Ши И албан ёсоор мэдэгдэв.
АНУ-ын Ерөнхийлөгч Дональд Трамп ОХУ-ын Ерөнхийлөгч Владимир Путинд уурлаж, эгдүүцсэн тухай мэдээлэл олон улсын анхаарлыг татсан. Тэгвэл АНУ-ын Ерөнхийлөгч Доналд Трампын татвараар сүрдүүлсэн мэдэгдэлд ОХУ-ын Ерөнхийлөгч В.Путин хариу өгчээ. В.Путины байр суурийг Кремлийн хэвлэлийн төлөөлөгч Димитрий Песков албан ёсоор уламжилсан бөгөөд “ОХУ-ын зүгээс дайныг дуусгаж Украинтай харилцаагаа сэргээх, энх тайван тогтоох асуудлаар АНУ-тай яриа хэлэлцээгээ үргэлжлүүлэхэд бэлэн байна” гэж мэдэгджээ.
Мьянмарын газар хөдлөлтөөр амь насаа алдсан хүмүүсийн тоо 2056-д хүрч, 3900 хүн бэртэж гэмтээд байна. АНУ-ын геологийн албаны мэдээлснээр, Мьянмарын газар хөдлөлтөд амь насаа алдсан хүмүүсийн тоо 10 мянгад хүрэх төлөвтэй байна гэжээ. Баасан гарагт болсон 7.7 магнитудын хүчтэй газар хөдлөлтийн улмаас орон даяар долоо хоногийн гашуудал зарлаад байна.
Мьянмарт өнгөрсөн баасан гарагт 7.7 магнитудын хүчтэй газар хөдлөлт болсон. Газар хөдлөлтийн улмаас амиа алдсан хүмүүсийн тоо нэмэгдэж 1700-г даваад байна. Мьянмарт болсон газар хөдлөлт нь тус улсад сүүлийн 100 жилд тохиогоогүй гамшигт үзэгдэл боллоо гэж АНУ-ын геологийн алба мэдээлжээ.
Өнгөрсөн лхагва гарагаас эхэлсэн Туркийн эсэргүүцлийн жагсаал томоохон хотуудыг хамарч есөн өдрийн турш үргэлжилж байна
Европын холбоо эвслийн 27 улсын иргэн бүрийг дайн, байгалийн гамшиг зэрэг онцгой нөхцөл байдалд бие даан амьдрах чадвартай байхад анхаарахыг уриаллаа
Францын Ерөнхийлөгч Эммануэль Макрон, Их Британийн Ерөнхий сайд Кир Стармер нарын санаачилгаар зохиогдсон “Украинд туслах хүсэлтэй улсуудын эвсэл”-ийн дээд хэмжээний уулзалт Парис хотноо зохион байгуулагдлаа
Армени Европын Холбоонд элсэх үйл явцыг эхлүүлэх хуулийг баталлаа Бүгд Найрамдах Армени Улсын парламент Европын Холбоонд (ЕХ) гишүүнээр элсэх үйл явцыг эхлүүлэх тухай хуулийн төслийг хоёр дахь буюу эцсийн хэлэлцүүлгээр баталжээ. Уг хуулийн төслийг 64 гишүүн дэмжиж, 7 гишүүн эсэргүүцсэн байна. Хуулийн батлагдсаныг ЕХ-ны удирдагчид сайшаан хүлээн авч, Армени улсын ардчилал, нийтлэг үнэт зүйлсэд тууштай хандаж буй тод илэрхийлэл хэмээн онцолжээ. Тэдний үзэж буйгаар энэ нь ЕХ-Арменийн харилцаанд чухал шинэ үе шатыг эхлүүлж буй хэрэг аж.
Google хамгийн ухаалаг загвараа танилцууллаа. “Google” компани өөрийн хамгийн дэвшилтэт хиймэл оюуны загвар болох “Gemini 2.5 Pro”-г олон нийтэд танилцууллаа. Тус загвар нь өмнөх хувилбаруудаас илүү ухаалаг, нарийн шийдэлтэй байхаас гадна хэрэглэгчдэд илүү бодит, баталгаатай хариулт өгөх чадвараараа онцлог юм. “Gemini 2.5 Pro”-гийн гол давуу тал нь асуудалд задлан шинжилгээ хийж, учир шалтгааныг нарийвчлан бодох чадвар юм.
Дэлхий даяар алдартай “ТикТок” платформыг эзэмшдэг “ByteDance” компанийг үүсгэн байгуулагч Жан Имин “Bloomberg”-ийн тэрбумтнуудын индексээр Хятадын хамгийн баян хүнээр тодорчээ. 41 настай тэрбээр 57.5 тэрбум ам.долларын хөрөнгөтэйгөөр уг жагсаалтыг тэргүүлсэн байна.
БНСУ-д дэгдсэн ой хээрийн түймрийн улмаас 26 хүн амиа алдаж, 30 хүн гэмтэж бэртжээ. Тус улсын Гёнсанбүг мужаас эхлэн дэгдсэн ой хээрийн тйүмэр хүчтэй салхины нөлөөгөөр улам бүр газар авч байна. Албаныхны мэдээлснээр, пүрэв гарагийн өглөөний байдлаар 36,000 га талбай бүхий ой мод шатсан гэжээ.
АНУ-ын Ерөнхийлөгч Дональд Трамп автомашин, автомашины сэлбэгийн импортод 25%-ийн шинэ татвар ногдууллаа. Ерөнхийлөгч Дональд Трампын автомашин болон сэлбэгт ногдуулж буй 25%-ийн нэмэлт татвар нь дэлхий даяар худалдааны дайн өдөөх эрсдэл дагуулж байна. Шинэ тариф ирэх 4-р сарын 2-ноос хэрэгжиж эхлэх бөгөөд харин авто сэлбэгийн татвар 5-р хэрэгжиж эхлэх аж
АНУ-ын Үндэсний аюулгүй байдлын алба “Signal” мессенжэр дэх групп чатаа задруулсан дуулиан үргэлжилсээр байна. АНУ-ын үндэсний аюулгүй байдлын алба тагнуулын мэдээллээ хуваалцдаг чатадаа улс төрийн нөлөө бүхий сэтгүүлч Жеффри Голдбергийг санамсаргүй нэмснээр Европын асуудал болоод Йемен дэх босогчдод өгөх мэдээллүүд задарч эхэлсэн байна
АНУ-ын үндэсний аюулгүй байдлын алба тагнуулын мэдээллээ хуваалцдаг чатны мэдээллээ алдсан нь дэлхий даяар шуугиан тарьж байна. АНУ-ын үндэсний аюулгүй байдлын алба удахгүй Йеменд цохилт өгөх тухай хэлэлцэж байсан групп чатадаа улс төрийн нөлөө бүхий сэтгүүлч Жеффри Голдбергийг санамсаргүй нэмсэн нь олон мэдээлэл алдагдах АНУ-ын тагнуулын нэр хүнд унах гол шалтгаан болов.