ДОНАЛЬД ТРАМПЫН “100 ХОНОГ”
АНУ-ын Ерөнхийлөгч Дональд Трамп тангараг өргөснөөс хойш 100 хоног өнгөрч байна. Тэрээр 100 хоногийн хугацаанд хийсэн ажлуудаа нэрлэж, амжилтаа тодотгох үеэрээ, “Эрүүл сэтгэхүйгээр хувьсгал хийлээ” гэж мэдэгдсэн юм.
ЭНЭТХЭГ ПАКИСТАНД 36 ЦАГИЙН ДОТОР ЦОХИЛТ ӨГНӨ
Кашмирт болсон халдлагаас үүдэн Энэтхэг Пакистаны харилцаа хурцдаж байна. Тодруулбал, Кашмир мужид 26 хүний аминд хүрсэн зэвсэгт халдлагыг Пакистаны дэмжлэгтэй зэвсэгт бүлэглэл үйлдсэн гэж үзэж буй Энэтхэгийн эрх баригчид Исламбадын эсрэг цэргийн ажиллагаа явуулж магадгүй болж байна. Уг мэдээллийг CNN онцолсон бөгөөд
В.ПУТИН ЯЛАЛТЫН БАЯРААР ТҮР ГАЛ ЗОГСООХОО МЭДЭГДЭВ
ОХУ-ын Ерөнхийлөгч В.Путин 5-р сарын 8-нд ялалтын баярыг угтаж түр гал зогсоохоо мэдэгдлээ. Түр гал зогсоох хугацаа 5-р сарын 8-ны өглөөнөөс 5-р сарын 11 хүртэл үргэлжилнэ гэж Кремлийн хэвлэлийн албанаас мэдэгдээд байна. Энэ мэдэгдлийн дараа Украины Гадаад хэргийн сайд Андрий Сыбиха “ Гурав хоног гал зогсоох нь дэндүү богино, дор хаяж 30 хоног гал зогсоох”-ыг ОХУ-д уриаллаа.
ИСПАНИ ПОРТУГАЛД ЦАХИЛГААН ТАСАРЧ, ЭМХ ЗАМБАРААГҮЙ БАЙДАЛ ҮҮСЭВ
Испани, Португал улсуудад цахилгаан тасарч, эмх замбараагүй байдал үүсчээ. Эрчим хүчний доголдлоос үүдээс Испани улсад төмөр замын хөдөлгөөн бүхэлдээ зогссон бол Португал улсад замын гэрлэн дохионууд унтарсанаас болж авто замын хөдөлгөөн 0 зогссон байна.
КАНАДЫН СОНГУУЛЬД ЛИБЕРАЛ АРДЧИЛСАН НАМ ЯЛАЛТ БАЙГУУЛАХ ТӨЛӨВТЭЙ БАЙНА
Канадын парламентын ээлжит бус сонгууль 4-р сарын 28-нд эхэлсэн. Энэ сонгууль Канадчуудын хувьд чухал ач холбогдолтой сонгууль болж буй бөгөөд сүүлийн 10 гаруй жилийн хугацаанд хийх асар хариуцлагатай сонголт болно. Учир нь АНУ-ын Ерөнхийлөгч Дональд Трампын худалдааны бодлого, Канадын тусгаар тогтнолыг хөндсөн мэдэгдлүүд сонгуулийн уур амьсгалыг ихээхэн өөрчилсөн юм.
АНУ ДАЛАЙН ГҮН ДЭХ АШИГТ МАЛТМАЛЫН ОЛБОРЛОЛТЫГ НЭМЭГДҮҮЛНЭ
АНУ-ын Ерөнхийлөгч Дональд Трамп далайн гүний ашигт малтмалын олборлолтыг нэмэгдүүлэх тухай зарлигт гарын үсэг зурлаа. Цагаан ордны мэдээлэлд дурдсанаар, “Далай тэнгисийн эрэг орчмын өргөн уудам бүс нутаг чухал эрдэс баялаг болон эрчим хүчний эх үүсвэрийг агуулдаг. Далайн гүний нөөц нь АНУ-ын эдийн засгийг бэхжүүлэх, эрчим хүчний тогтвортой эх үүсвэрийг хангах, газрын ховор элементийн зах зээлд БНХАУ-аас хатаар байдлыг бууруулахад нэн чухал үүрэгтэй гэжээ.
СИРИЙН ДЭЛХИЙН БАНКАНД ТӨЛӨХ ӨРИЙГ САУДЫН АРАБ, КАТАР БАРАГДУУЛНА
Дайны хөлд нэрвэгдэж сүйдсэн Сири улсын Дэлхийн банкинд төлөх 15 сая ам.долларыг Саудын Араб болон Катар улсууд төлж дуусгахаа мэдэгджээ. Саудын Арабын хийсэн мэдэгдэлд, “Дайны хөлд нэрвэгдэж олон жил зовсон Сирийн өрийг барагдуулж, эдийн засгаа сэргээхэд нь тусалж буй хувь нэмэр” гэж онцолсон юм. Түүнчлэн Сирийн шинэ засгийн газар нь олон улсын санхүүгийн байгууллагатай харилцаагаа сэргээх алхам хийж байгаа үед нь бодит дэмжлэг үзүүлэх юм гэжээ.
ИЗРАИЛ БЕЙРУТ ХОТОД АГААРЫН ЦОХИЛТ ӨГӨВ
Израилын арми Ливаны нийслэл Бейрут хотод агаарын цохилт өгч, энгийн иргэдийн амь насанд аюул учруулж байна. Ням гарагт Израилын арми “Хезболла” бүлэглэлийн орогнож байсан барилгаас эд зүйлсийг нүүлгэн шилжүүлэх тушаал гаргасан. Тушаал гаргасан даруйдаа Бейрутын өмнөд захаас эхлэн агаарын довтолгоогоо эхлүүлж, энгийн иргэдийн орон сууц, дэд бүтцүүдийг сүйрүүлж эхэлсэн байна.
Д.ТРАМП КРЫМЫГ ОХУ-Д ӨГӨХ УУ?...
Ромын Пап Гэгээн Францискын оршуулах ёслол бямба гарагт болж өнгөрсөн. Гэгээн Францискийн оршуулгын ёслолд дэлхийн улс орнуудын төрийн тэргүүн оролцсон бөгөөд нийтдээ 130 орчим улсын төр, засгийн тэргүүгүүд оролцжээ. Энэ ёслолын үеэр АНУ-ын Ерөнхийлөгч, Дональд Трамп Владимир Зеленский нар албан бус уулзалт хийж буй ёслолын танхим дахь зураг цахим орчинд түгсэн юм. Дональд Трамп, В.Зеленский нарын албан бус уулзалт маш товчхон болсон гэж олон улсын хэвлэлүүд онцолж байна.
В.КЛИЧКО "УКРАИНЫ ЭНХ ТАЙВНЫ ТӨЛӨӨ ГАЗАР НУТГАА ӨГЧ МАГАДГҮЙ"
Киев хотын дарга В.Кличко, “Хэдийгээр газар нутгаа ОХУ-д өгөх нь шударга бус ч энх тайван тогтоохын тулд ийм шийдвэр гаргаж магадгүй. Энэ бол нэг хувилбар ч Оросын түрэмгийллийг хэзээ ч зөвшөөрөхгүй” гэжээ.
Д.ТРАМП КИЕВИЙН ХАЛДЛАГЫГ БУРУУШААВ
ОХУ Украины нийслэл Киев, Харьков хотуудад томоохон цохилт өгсөнөөр 12 хүн амиа алдаж 90 гаруй хүн шархадсан. Киевийг онилсон энэ цохилт нь сүүлийн 9 сарын хугацаанд болсон хамгийн том халдлагуудын нэг бөгөөд ОХУ-ын талаас 70 пуужин, 145 нисгэгчгүй онгоцоор Киев рүү довтолсон байна. Украины Онцгой байдлын албаны мэдээлснээр, ОХУ-ын цохилт Киевийн 13 байршилд тусаж энгийн иргэдийн орон сууц, хотын дэд бүтцүүдийг сүйдэлсэн гэжээ.
КАШМИРЫН ХАЛДЛАГА ЭНЭХТЭГ ПАКИСТАНЫ ХАРИЛЦААГ ХУРЦАТГАВ
Энэтхэг Пакистаны маргаантай бүс Жамму Кашмир мужид зэвсэгт халдлага болж 26 жуулчин амиа алдсан хэрэг гарсан. Зэвсэгт халдлагын улмаас амиа алдсан жуулчдын 25 нь энэтхэгчүүд байсан нь талуудын хоорондын маргааныг улам хурцатгаж байна. Уг халдлагыг өчигдөр “Эсэргүүцлийн фронт” гэх үл мэдэгдэх зэвсэгт бүлэглэл хүлээсэн бөгөөд энэ бүлэглэлийг хаанаас дэмждэг нь одоогоор тодорхойгүй байна.
Д.ТРАМП КРЫМЫГ ОХУ-ЫНХ ХЭМЭЭН "ДЕ-ФАКТО" ХҮЛЭЭН ЗӨВШӨӨРӨВ ҮҮ?...
Д.Трамп Украиныг ОХУ-д буулт хийх шахалт үзүүлж байна. Тухайлбал, Дональд Трамп Крымыг ОХУ-ын газар нутаг хэмээн хүлээн зөвшөөрч үүнийгээ Украид тулгажээ. Тэрээр В.Зеленскийтэй тохиролцох тун төвөгтэй асуудал болж буйг онцлоод улс орноо алдахгүйн тулд “дахин гурван жил байлдах” эсвэл “энхийн хэлэлцээр” гэсэн гарц үлдсэн гэж мэдэгдсэн юм.
ОХУ КИЕВТ ПУУЖИНГИЙН ЦОХИЛТ ӨГӨВ
ОХУ Украины нийслэл Киев хотод пуужингийн цохилт өгсөний улмаас 9 хүн амиа алдаж 60 гаруй хүн шархаджээ. Киев хотын дарга Виталий Кличкогийн мэдээлж байгаагаар амиа алдсан хүмүүсийн 6 нь бага насны хүүхэд байна.
МҮН ЖЭН ИН АВЛИГЫН ХЭРЭГТ ХОЛБОГДОВ
БНСУ-ын Ерөнхийлөгч асан Мүн Жэ Ин авлигын хэрэгт холбогджээ. Ерөнхийлөгч асан Мүн Жэ Ин өөрийн хүргэн байсан хүнийг Тайландын агаарын тээврийн компанид ажилд оруулахаар зуучилсан, авилга авсан хэмээн буруутгагдсан байна.
ЕХ "APPLE" "META" КОМПАНИУДАД ИХ ХЭМЖЭЭНИЙ ТОРГУУЛЬ НОГДУУЛАВ
Европын холбоо цахим өрсөлдөөний тухай хуулийг хэрэгжлүүлж эхэллээ. Энэ хүрээнд “Apple” компанийг 570 сая доллароор, “Meta” компанийг 228 сая доллараар торгох шийдвэр гаргасан байна. Метад торгууль ногдуулсан шалтгаан нь хувийн зар сурталчилгаагаа байршуулахын тулд хувийн мэдээллийг нь нэгтгэхийг хэрэглэгчдээр зөвшөөрүүлэх эсвэл зар сурталчилгаагүй үйлчилгээний төлбөр төлөхийг хэрэглэгчдээс шаардаж буй нь хууль зөрчиж буйг Еврокомисс тогтоожээ.
ИСТАНБУЛЫН ИРГЭД ГАЗАР ХӨДЛӨЛТИЙН УЛМААС "ХЭТ САНДРАЛД" АВТЖЭЭ
Турк улсын Истанбул хотын эрэгт 6.2 магнитудын хүчтэй газар хөдлөлт болсон. Газар хөдлөлтийн улмаас хүний амь нас эрсдээгүй ч хэт сандралд автсан Истанбул хотын иргэд гэр байшин, орон сууцнаасаа үсэрч гэмтэж бэртсэн баайна. Одоогоор байдлаар хэт сандралд авсан 151 хүн өндрөөс үсэрсэн гэж Истанбул хотын захиргаанаас мэдээлжээ.
ДОНАЛЬД ТРАМПЫН ТЭВЧЭЭР ТАСРАВ
АНУ-ын Ерөнхийлөгч Дональд Трампын санаачилсан Орос-Украины дайныг зогсоож, энхийн хэлэлцээр байгуулах үйл явц удааширч байна. Талуудын дунд зуучилж, дайныг зогсоох яриа хэлэлцээг өрнүүлэхээр хэд хэдэн удаагийн дипломат уулзалтыг талуудтай хийсэн ч үр дүн гарахгүй байгаад Дональд Трамп бухимдалтай байна. Дональд Трамп лхагва гарагт Украины Ерөнхийлөгч В.Зеленсктэй утсаар ярьсан бөгөөд “Крым ОХУ-ын хяналтад байгааг хүлээн зөвшөөрөхгүй” гэж хэлсэн В.Зеленскийг хурцаар шүүмжилсэн байна.
БИЕЖСЭН ХИЙМЭЛ ОЮУН УХААН ҮЙЛЧИЛГЭЭНД НЭВТЭРЧ ЭХЭЛЖЭЭ
БНХАУ-ын Шэньжэнь хотод хиймэл оюун ухааныг биежлүүлж, робот ажилтанаар үйлчилгээний салбарт ажиллуулж эхэлжээ. Хиймэл оюун ухаан робот биетэй болсноор үйлчилгээний салбарт хүний оролцоог бууруулах, зардал хэмнэх, үр ашгийг нэмэгдүүлэх зэрэг давуу талтай гэж технологи үзэж байна. Тухайлбал "Meituan" компанийн дронууд хүнс, эмийн хүргэлт хийж, "Unitree" компанийн бие даан шийдвэр гаргах чадвартай биежсэн хиймэл оюун ухаан олон нийтийн арга хэмжээнд бүжигчнээр оролцох болжээ.
КАШМИРТ ЗЭВСЭГТ ХАЛДЛАГА БОЛЖ 20 ХҮН АМИА АЛДАВ
Энэтхэгийн Кашмир мужид аялж явсан дотоодын жуулчид руу зэвсэгт этгээд гал нээж 20 хүн амиа алджээ. Зэвсэгт халдлага "Энэтхэгийн Швейцарь" гэгддэг Гималайн нурууны үзэсгэлэнт Пахалгам хотод болсон байна. Тус бүс нутагт жуулчид ихээр ирдэг бөгөөд ийм төрлийн зэвсэгт халдлага ойрын үед нэмэгдэж байгааг мужийн захирагч мэдэгджээ.